Kwanini Biashara Hazifanikiwi? (Why do businesses fail?)

Katika Somo hili tutajifunza kwa nini hali hii hutokea ili tuweze kuibadilisha na biashara zetu ziweze kufanikiwa.

Biashara ni shughuli yoyote halali ambayo mtu anaweza akaifanya kwa lengo la kumuingizia faida. Hata hivyo biashara nyingi huanzishwa lakini hazionekani kuwa na mafanikio.

1. KUTOKUTOFAUTISHA SHUGHULI ZA BIASHARA NA MWENYE BIASHARA!

Hii ni sababu ya kwanza. Biashara ni kitu tofauti na Mwenyebiashara. Na shughuli za biashara ni tofauti na shughuli za Mwenye biashara (BUSINESS ENTITY CONCEPT).

Mwenyebiashara anamiliki biashara, lakini bidhaa za biashara ni za biashara si zake. Hata fedha zinazotokana na mauzo ya bidhaa za biashara si zake bali ni za biashara.

Kama ni hivyo, sasa Mwenyebiashara anastahili nini kutoka kwenye biashara?

Anastahili kulipwa Mshahara na biashara (na uzuri anajipangia mshahara yeye mwenyewe).Aidha faida inayopatikana kwenye biashara ni ya wote, yeye na biashara yake.

Yeye anastahili kiasi kidogo cha faida na kiasi kikubwa ni cha biashara ili kiweze kuongeza mtaji wa biashara. Lakini wengi wetu tunadhani Mwenyebiashara na biashara yake ni kitu kimoja!

2. KUFANYA BIASHARA BILA MPANGO WA BIASHARA!

Kufanya biashara bila mpango ni sawa na kuitumbukiza mashua juu ya maji na wewe kupanda na kusubiri upepo ukupeleke unakotaka kwenda.